Симпозиумот ќе се одржи во хотел „DoubleTree by Hilton“ во Скопје. Сместувањето на учесниците е во Хотел „DoubleTree by Hilton“.
Секој учесник потребно е да изврши навремена резервација најдоцна до 5.9.2023 год., да го пополни следниот формулар и да го испрати на адреса: reservations (@) hiltonskopje.com и evgenija.shiloska (@) hiltonskopje.com
Цени од ноќ:
- Двокреветна соба King/Twin - еден гостин: 100€
- Двокреветна соба King/Twin - двајца гости: 110€
- Двокреветна соба Deluxe King/Twin - еден гостин: 130€
- Двокреветна соба Deluxe King/Twin - двајца гости: 140€
- Апартман King One Bedroom Suite - еден гостин: 170€
- Апартман King One Bedroom Suite - двајца гости: 180€
Цените се со вклучен 5% данок и туристичка такса, доручек во ресторан Монте, кафе/чај и 1л вода во секоја од собите, бесплатен интернет во целиот хотел, користење на спа и фитнес центарот (масажи и други услуги во спа центарот се доплаќаат дополнително).
Скопје
Главен град на Северна Македонија е градот Скопје. Тој е и најголем град во земјата и воедно претставува административно-политички, стопански, културен и образовно-научен центар. Се наоѓа во северниот дел на државата, поделен на два дела од реката Вардар. Градот во текот на своето постоење, во зависност од историските прилики, бил именуван со различни имиња, а неговото античкото име е Скупи.
Северна Македонија
Република Северна Македонија е лоцирана во Југоисточна Европа, во централниот дел на Балканскиот Полуостров. Има позиција на стратегиска крстосница и своевиден мост помеѓу Европа и блиските земји на Азија и на Северна Африка. Таа и припаѓа на групата земји, од таканаречениот Западен Балкан. Опкружена е со следните соседи – Србија и Косово на север, Бугарија на исток, Грција на југ и Албанија на запад.
Македонија како држава е дел од современата меѓународна политичка сцена, од стекнувањето на независноста од југословенската федерација и е нејзин активен субјект, како на билатерален, така и на мултилатерален план. Но, кога станува збор за условите и податоците што ги наметнуваат историјата и културата, може да се каже дека Македонија е една од постарите европски и светски цивилизации во рамките на Римското, Византиското и на Отоманското Царство.